ಪ್ರಸವಾನಂತರದ ಖಿನ್ನತೆ

ಪ್ರಸವಾನಂತರದ ಖಿನ್ನತೆ ಎಂದರೇನು?

ಪ್ರಸವಾನಂತರದ ಖಿನ್ನತೆ ಎಂದರೆ ಹೆರಿಗೆಯಾದ ಕೆಲವು ವಾರಗಳ ನಂತರ ಬರುವ ಅತಿಯಾದ ವಿಷಾದದ ಅನುಭವ ಮತ್ತು ಸಂಬಂಧಿಸಿದ ಮಾನಸಿಕ ತೊಂದರೆಗಳು. ಹೆರಿಗೆ ಯಾದ ಮೂರು ದಿನಗಳವರೆಗೆ ವಿಷಾಧ ಮತ್ತು ಖಿನ್ನತೆ –ಸರ್ವೆ ಸಾಮಾನ್ಯ. ಮಹಿಳೆಯರು ಈ ಭಾವನೆಗಳ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಳ್ಳಬೇಕಿಲ್ಲ. ಏಕೆಂದರೆ ಈ ಭಾವನೆಗಳು ಸಾಧಾರಣವಾಗಿ ಎರಡು ವಾರದಲ್ಲೆ ಇಲ್ಲದಾಗುತ್ತವೆ. ಪ್ರಸವಾನಂತರದ ಖಿನ್ನತೆಯು ಹೆಚ್ಚು ಗಂಭೀರವಾದ ಮಾನಸಿಕ ಭಾವನೆಗಳ ಬದಲಾವಣೆ. ಅದು ಅನೇಕ ವಾರಗಳವರೆಗೆ ಕೆಲವು ಸಲ ತಿಂಗಳುಗಳ ತನಕ ಇರುವುದರಿಂದ ದೈನಂದಿನ ಕೆಲಸಗಳಿಗೆ ಅದರಿಂದ ತೊಡಕಾಗುವುದು. ಸುಮಾರು 10 ರಿಂದ 15% ಮಹಿಳೆಯರಲ್ಲಿ ಈ ಪರಿಣಾಮವು ಕಂಡುಬರುವುದು. ವಿರಳವಾಗಿ , ಇನ್ನೂ ತಿವ್ರವಾದ ಅವ್ಯವಸ್ಥೆ ಯಾದ ಪ್ರಸವಾನಂತರದ ಸೈಕೋಸಿಸ್‌ ಆಗಬಹುದು..

• ಖಿನ್ನತೆ ಇರುವ ಮಹಿಳೆಯರಲ್ಲಿ ಪ್ರಸವಾನಂತರದ ಖಿನ್ನತೆ ಬರುವ ಸಂಭವ ಹೆಚ್ಚು.
• ಮಹಿಳೆಯರು ಬಹು ದುಃಖ ಪೂರಿತರಾಗವರು, ಅಳಲೂಬಹುದು. ಸಿಡಿಮಿಡಿ ಗೊಳ್ಳುವರು.ದೈನಂದಿನ ಚಟುವಟಿಕೆಗಳಲ್ಲಿ ಮತ್ತು ಮಗುವಿನಲ್ಲ್ಲಿಆಸಕ್ತಿ ಕಳೆದು ಕೊಳ್ಳುವರು.
• ಅವರಿಗೆ ಆಪ್ತ ಸಲಹೆ ಮತ್ತು ಖಿನ್ನತೆ ನಿರೋಧಕ ಔಷಧಿಗಳಿಂದ ಗುಣ ಹೊಂದಲು ಸಹಾಯಕವಾಗುವದು.

ಕಾರಣಗಳು

ಪ್ರಸವಾನಂತರದ ದುಃಖ ಅಥವಾ ಖಿನ್ನತೆಯ ಕಾರಣಗಳು ಅಸ್ಪಷ್ಟವಾಗಿವೆ. ಆದರೂ ಕೆಳಗೆ ಕಾಣಿಸಿದ ಅಂಶಗಳು ಕಾರಣವಾಗಿರಬಹುದು:

• ಖಿನ್ನತೆ ಅಥವ ಮಾನಸಿಕ ಅಸ್ತವ್ಯಸ್ತತೆ ಗರ್ಭ ಧಾರಣೆಗೆ ಮೊದಲು ಅಥವಾ ನಂತರ ಅವರಲ್ಲಿ ಇದ್ದರೆ.
• ಹತ್ತಿರದ ಸಂಬಂಧಿಗಳಲ್ಲಿ ಖಿನ್ನತೆ ಇದ್ದರೆ (ಕೌಟುಂಬಿಕ ಇತಿಹಾಸ)
• ಹಾರ್ಮೋನುಗಳ ಮಟ್ಟದ ತ್ವರಿತ ಇಳಿತ ( ಎಸ್ಟರೊಜೆನ್‌ ಮತ್ತು ಪ್ರೊಜೆಸ್ಟ್ರೇನ್‌)
• ಮಗುವನ್ನು ಪಡೆದ ಮತ್ತು ಅದನ್ನು ನೋಡಿಕೊಳ್ಳುವ ಒತ್ತಡ ( ಹೆರಿಗೆ ಸಮಯದಲ್ಲಿ ಸಮಸ್ಯೆ, ನಿದ್ರಾಹೀನತೆ, ಆಯಾಸ, ಸ್ವಾತಂತ್ರ್ಯ ಇಲ್ಲದೆಇರುವುದು,ಒಂಟಿತನ ಮತ್ತು ಅಕ್ಷಮತೆ)
• ವೈವಾಹಿಕ ಸಂಘರ್ಷ
• • ಒತ್ತಡಕ್ಕೆ ಹಣ ಕಾಸಿನ ಮುಗ್ಗಟ್ಟು ಇತರೆ ಕಾರಣಗಳು

ಮಹಿಳೆಗೆ ಗರ್ಭಧಾರಣೆಯ ಮುನ್ನವೆ ಖಿನ್ನತೆಗೆ ಒಳಗಾಗಿದ್ದರೆ ವೈದ್ಯರಿಗೆ ಅಥವಾ ದಾದಿಗೆ ಈ ಮಾಹಿತಿ ನೀಡಬೇಕು. ಈ ಖಿನ್ನತೆಯು ನಂತರ ಪ್ರಸವಾನಂತರದ ಖೀನ್ನತೆಯಾಗಿ ಮಾರ್ಪಾಡಾಗಬಹುದು. ಗರ್ಭೀಣಿಯಾಗಿರುವಾಗ ಖಿನ್ನತೆಗೆ ಒಳಗಾಗುವುದು ಸಾಮಾನ್ಯ .ಅದು ಪ್ರಸವಾನಂತರದ ಖಿನ್ನತೆಗೆ ಕಾರಣವಾಗಬಹುದಾದ ಆತಂಕವೂ ಇದೆ. .

ಲಕ್ಷಣಗಳು

ಆಗಾಗ ಅಳುವುದು, ಮನೋಭಾವನೆಯಲ್ಲಿನ ತೀವ್ರಬದಲಾವಣೆ, ಅತಿ ದುಃಖಿಯಾಗಿರುವುದು ಇದರ ಲಕ್ಷಣಗಳು. ಅತಿ ಆಯಾಸ, ಏಕಾಗ್ರತೆಯ ಕೊರತೆ, ನಿದ್ರಾ ಸಮಸ್ಯೆ, ಲೈಂಗಿಕ ಹಾಗೂ ಇತರ ಚಟುವಟಿಕೆಗಳಲ್ಲಿ ನಿರಾಸಕ್ತಿ ಆತಂಕ, ಹಸಿವಿನ ಪ್ರಮಾಣ ಬದಲಾವಣೆ, ನಿಸ್ಸಾಹಯಕತೆ ಅಥವಾ ಕೊರತೆಯ ಅನುಭವ ಮೊದಲಾದವುಗಳು ಸಹಾ ಖಿನ್ನತೆಗೆ ಕಾರಣವಾಗಿರಬಹುದು. ಮಹಿಳೆಯರಿಗೆ ಕೆಲಸಮಾಡುವುದು ಸಾಧ್ಯವಾಗದು. ತಮ್ಮ ಮಗುವಿನಲ್ಲೆ ಆಸಕ್ತಿ ಇರುವುದಿಲ್ಲ. ಪ್ರಸವಾನಂತರದ ಸೈಕೋಸಿಸ್‌ನಲ್ಲಿ ಖಿನ್ನತೆಯ ಜತೆ , ಆತ್ಮ ಹತ್ಯೆ ಯೋಚನೆ, ಭಯಂಕರ ಯೋಚನೆಗಳು, ಭ್ರಮೆ ಮತ್ತು ಅಡ್ಡಾದಿಡ್ಡಿ ವರ್ತನೆಯೂ ಕಂಡುಬರಬಹುದು.ಕೆಲವು ಸಲ ಪ್ರಸವಾನಂತರದ ಸೈಕೋಸಿಸ್‌ನಲ್ಲಿ ಮಗುವಿಗೆ ಅಪಾಯ ಮಾಡುವ ಪ್ರವೃತ್ತಿಯೂ ಇರಬಹುದು ವೈವಾಹಿಕ ಒತ್ತಡವು ಹೆಚ್ಚಾಗಬಹುದು.. ಚಿಕಿತ್ಸೆ ಇಲ್ಲದಿದ್ದರೆ ಪ್ರಸವಾನಂತರದ ಖಿನ್ನತೆಯು ತಿಂಗಳು ಗಟ್ಟಲೆ, ವರ್ಷಗಟ್ಟಲೆ ಮುಂದುವರಿಯಬಹುದು. ತಾಯಿಗೆ ಮಗುವಿನ ಮೇಲೆ ಮಮಕಾರವೆ ಇಲ್ಲದಾಗಬಹುದು. ಅದರ ಪರಿಣಾಮವಾಗಿ ಮಗುವು ಭಾವನಾತ್ಮಕ ,ಮತ್ತು ಅರಿವಿನ ಸಮಸ್ಯೆಯನ್ನು ಎದುರಿಸಬೇಕಾಗಬಹುದು . ಸುಮಾರು ಮೂವರಲ್ಲಿ ಒಬ್ಬ ಮಹಿಳೆಯು ಒಂದು ಸಲ ಪ್ರಸವಾನಂತರದ ಖಿನ್ನತೆಗೆ ಒಳಗಾಗಿದ್ದರೆ ಪುನಃ ಅದು ಅವರಲ್ಲಿ ಮರು ಕಳಿಸಬಹುದು.

ಪತ್ತೆ ಮಾಡುವುದು

ಮುಂಚಿತವಾಗಿಯೇ ಪತ್ತೆ ಮಾಡಿ ಚಿಕಿತ್ಸೆ ನೀಡುವುದು ಮಹಿಳೆ ಮತ್ತು ಅವಳ ಮಗುವಿಗೆ ಅತಿ ಮುಖ್ಯವಾಗಿದೆ. ಮಹಿಳೆಯು ಹೆರಿಗೆಯ ಎರಡು ವಾರದ ನಂತವೂಆದಕ್ಕೊಳಗಾಗಿದ್ದರೆ ಮತ್ತು ದೈನಂದಿನ ಕೆಲಸ ಕಾರ್ಯ ಮಾಡಲಾಗದಿದ್ದರೆ ಇಲ್ಲವೆ ತಮಗೆ ಅಥವ ಮಗುವಿಗೆ ಹಾನಿ ಮಾಡುವ ಯೋಚನೆ ಮನದಲ್ಲಿ ಬಂದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು. ಕುಟುಂಬದ ಸದಸ್ಯರು ಮತ್ತು ಗೆಳೆಯರು, ಈ ಲಕ್ಷಣಗಳನ್ನು ಗುರುತಿಸಿದರೆ ಅವರು ಆ ಮಹಿಳೆಯೊಂದಿಗೆ ಮಾತನಾಡಿ ವೈದ್ಯರಲ್ಲಿಗೆ ಹೋಗಲು ಉತ್ತೇಜಿಸಬೇಕು.ವೈದ್ಯರು ಖಿನ್ನತೆಯ ಕಾರಣವನ್ನು ಗುರುತಿಸಬೇಕು.. ಅವರು ರಕ್ತದ ಪರೀಕ್ಷೆಯನ್ನೂ ಮಾಡಿಸಬಹುದು. ಥೈರಾಯಿಡ್‌ ಅವ್ಯವಸ್ಥೆಯು ಸಹಾ ಇದಕ್ಕೆ ಕಾರಣವಾಗಿಬಹುದು.

ಪ್ರಸವಾನಂತರ ಖಿನ್ನತೆಯನ್ನು ತಡೆಗಟ್ಟುವಿಕೆ

ಮಹಿಳೆಯು ಪ್ರಸವಾನಂತರ ವಿಷಾದದ ಭಾವನೆಯನ್ನು ಗೆಲ್ಲುವುದು ಸಾಧ್ಯ:

• ಸಾಧ್ಯವಾದಷ್ಟು ವಿಶ್ರಾಂತಿ ತೆಗೆದುಕೊಳ್ಳಬೇಕು.—ಉದಾಹರಣೆಗೆ – ಮಗುವು ಮಲಗಿದಾಲೆಲ್ಲ ತಾಯಿಯೂ ಮಲಗಿರಬಹುದು.
• ಮನೆಯನ್ನು ಶುಭ್ರವಾಗಿಡುವುದು, ಎಲ್ಲರಿಗೂ ಆಹಾರ ತಯಾರಿಸುವುದು ಇತ್ಯಾದಿ ಕೆಲಸಗಳು ಮಾಡಲು ಹೋಗಬಾರದು.
• ಕುಟುಂಬದ ಸದಸ್ಯರಿಂದ ಮತ್ತು ಗೆಳೆಯರಿಂದ ಸಹಾಯ ಪಡೆಯಬಹುದು.
• ಯಾರೊಂದಿಗಾದರೂ ತಮ್ಮಭಾವನೆ ಹಂಚಿಕೊಳ್ಳಲು ಮಾತನಾಡಬೇಕು ( ಗಂಡ , ಒಡನಾಡಿ, ಕುಟುಂಬ ಸದಸ್ಯ ಅಥವ ಸ್ನೇಹಿತರು)
• ನಿತ್ಯವೂ ತಲೆ ಸ್ನಾನ ಮಾಡಿ ಶುಭ್ರ ಉಡುಪು ಧರಿಸಬೇಕು.
• ಮನೆಯಿಂದ ಆಗಾಗ ಹೊರಗೆ ಹೋಗಬೇಕು. ಗೆಳೆಯರನ್ನು ಭೇಟಿ ಮಾಡಲು, ಚಿಕ್ಕಪುಟ್ಟ ಕೆಲಸಗಳಿಗಾಗಿ ಅಥವ ವಾಯು ವಿಹಾರಕ್ಕಾಗಿ
• ತನ್ನ ಪತಿ ಅಥವ ಸಂಗಾತಿಯೊಡನೆ ಏಕಾಂತದಲ್ಲಿ ಸಮಯ ಕಳೆಯಬೇಕು.
• ತಾಯಿ ಅಥವ ಹಿರಿಯ ಮಹಿಳೆಯರೊಂದಿಗೆ ಅವರ ಅನುಭವ ಕೇಳಬೇಕು.
• ಖಿನ್ನತೆ ಇರುವ ಮಹಿಳೆಯರಿಗಾಗಿರುವ ಬೆಂಬಲ ಗುಂಪನ್ನು ಸೇರಬೇಕು.

ಚಿಕಿತ್ಸೆ

ಮಹಿಳೆಗೆ ವಿಷಾದವಾದರೆ, ಕುಟುಂಬ ಸದಸ್ಯರ ಮತ್ತು ಗೆಳಯರ ಬೆಂಬಲವಿದ್ದರೆ ಸಾಕು . ಎಲ್ಲ ಸರಿ ಹೋಗುವುದು.ಆದರೆ ಖಿನ್ನತೆಯನ್ನು ಗುರುತಿಸಿದರೆ, ವೃತ್ತಿಪರರ ಸಲಹೆ ಅಗತ್ಯ.. ಸಾಧಾರಣವಾಗಿ ಆಪ್ತ ಸಲಹೆ ಮತ್ತು ಖಿನ್ನತೆ ನಿರೋಧಕ ಔಷಧಿಗಳನ್ನು ಒಟ್ಟಿಗೆ ನೀಡಿ ಗುಣ ಮಾಡುವರು. ಮಹಿಳೆಗೆ ಪ್ರಸವಾನಂತರದ ಸೈಕೋಸಿಸ್‌ ಆಗಿದ್ದರೆ ಆಸ್ಪತ್ರೆಗೆ ಸೇರಬೇಕಾಗಬಹುದು.ಅದೂ ಎಳೆಯ ಮಗುವನ್ನೂ ನೋಡಿಕೊಳ್ಳಬಹುದಾದ ಸೌಲಭ್ಯ ವಿರುವ ಆಸ್ಪತ್ರೆಯಾಗಬೇಕು.ಅವರಿಗೆ ಆಂಟಿ ಸೈಕೊಟಿಕ್‌ ಜತೆಗೆ ಆಂಟಿಡಿಪ್ರೆಸೆಂಟ್‌ ಔಷಧಿ ಕೂಡಾ ಬೇಕಾಗಬಹುದು. ಮಗುವಿಗೆ ಎದೆ ಹಾಲು ಕೊಡುತ್ತಿರುವ ಮಹಿಳೆಯರು ಈ ಔಷಧಿಗಳನ್ನು ಸೇವಿಸುವ ಮುನ್ನ ವೈದ್ಯರ ಸಲಹೆ ಪಡೆಯಬೇಕು. ಮಗುವಿಗೆ ಎದೆ ಹಾಲು ಕೊಡುವುದನ್ನು ಮುಂದುವರಿಸಲು ಅನೇಕ ಆಯ್ಕೆಗಳು ಇವೆ.

ಮೂಲ: ಪೋರ್ಟಲ್ ತಂಡ